一個震盪，引來一連串問題，當然身為旁觀者，不宜作出太多主觀評價，只係希望僱員，客戶得到應有的照顧，合情合理。

但客觀分析，今次有引伸三件事

第一，4000萬未完成的療程，行家一定會搶灘，特別係大公司，當然係正行家隔離，優勢最大，依個就講運，最大個戰場一定係皇室堡同朗豪坊，不過有幾間分店的，相信依兩個月會燒大量廣告打突擊，不過套票同服務方面，利益多少要平衡，接手唔係簡單事。

第二，分析過公司的位置，有全層逾2萬呎，新租80萬，最細都講緊幾千呎，亦即十幾廿萬租不等，唔可能「蛇吞象」，又係大公司佔盡優勢，再者，今次唔係單純頂手，係可能倒閉，搶位的extra value 大了幾倍，可能會間接吸收原有客戶，錢都慳返。

第三，小編認為係行家角度，成件事最關鍵係員工，能夠招募原有公司有份量經理，可能係成team人馬過檔，對想擴充的公司係short cut，不過過檔的士氣多少會受影響，可能要有適當的支持，做老闆的，在心中啦。