小編學做生意，不時會參考孫子兵法的謀略，有三點深受影響。

＃用一線兵打二線位 要做生意，展開戰爭，就要計算兵力多少？糧草足夠？「地勢」是否有利於我方？以及敵方的優劣。明知冇可能跟大行對抗，反之集中兵力，用一線兵打二線位。但一旦對手巳重兵進駐二線位，人優我走，可能被迫要找尋另一條戰線。

#搵市場虛位突擊 綜觀今天局勢，餐飲頂讓變成兵家必爭之地，兩間大行，油尖旺多間老牌旺鋪，兩間中環代理行，幾廿間生意頂讓公司，重有打單炮的 sales，如果跟行家的模式，市場「通盤」走，必敗無疑。 唯有找出市場被忽略／不會／不想做的「戰線」，亦即市場虛位，繼而集中火力強攻那一點，成功後再extend 戰線。

＃農村包圍城市 換言之，如果小編開餐廳，會盡量先揀屋村／二，三線民生位，農村包圍城市，競爭對手不能太強，租金不能太貴，要穩守先可以突擊，市場上成功突圍的餐廳，都有一套戰略。 代理行業，祥益老闆汪總幾乎係近十幾年黎最成功發揮孫子兵法精神的例子。美容行業，以琥珀美容為例，新界累積足夠實力後，不斷向外拓展，它揀的地點都是實而不華，可以打持久戰，今年貴公司殺入中路，進駐旺角朗豪坊，絕對是一個很成功的案例。