最近收到消息，某大品牌的醫學美容由中環寫字樓搬落一線街鋪，當中有很多值得深入分析的地方。

小財唔出，大財唔入？

依加做美容，多數利用社交平台吸客，計埋廣告，小店可以低成本創業，但對大公司絕對係龐大開支，有見及此，可能有公司趁市道租平就搬到一線街鋪，盡享地理位置優勢，廣告效應，做更多「街客」，雖然呎價比寫字樓高，但可能慳返部份廣告費，同時有更大的廣告效益！

引流的功夫到家？

其次，當消費者，見到有美容院坐落街鋪，多數會停係到望兩眼，但要成功吸客，引流，卻很考功夫，依方面多數係大公司佔盡優勢，事實上，人所共知，街鋪有極多學問，分陰陽街？燈口位？近港鐵？巴士站附近？有冇攔扛？有冇泊小巴？有蚊錶位？門面闊？附近的租客行業類型？街上的流量，年齡，職業，不同時段的人流分佈，旺丁不旺財？

美容院為例，中環多數係OL，白領，專業人士，消費力高，但關鍵是位置，近寫字樓，上落班必經街道，路面比較闊，靜中帶旺，行業類近，沒有太多嘈音，感覺舒服可能比較可取。依方面應該要問鋪市專家李根興先生 Edwin。

無論如何，每間美容院都有屬於自己的定位，策略，沒有所謂最好的經營手法，只有最合適自己的。